የኢትዮጵያዋ፡ ርእዮት ‹‹የጥንካሬዬ ዋጋ››

ከፕሮፌሰር  ዓለማየሁ  ገብረማርያም
ትርጉም  ከነጻነት ለሃገሬ

ስለስልጣን ብልግና አለያም ስለ ስልጣንን በማንአለብኘነት አለ አግባብ ስለ ከመጠቀም ከመናገር ይበልጥ አስቸጋሪ የሆኑ bezu ነገሮች yelum፡፡ ለ31 ዓመቷ ወጣት ኢትዮጵያዊት  አይበገሬ ርዕዮት ዓለሙ ግን፤ የመጻፍ ነጻነት፤ የመናገር ነጻነት፤ ሃሳብን በነጻ የማንሸራሸር ነጻነትን ድምጻቸው በመሳርያና በስለላ መዋቅር ለታፈነባቸው ድምጽ ከመሆን ምንም አይነት ጋሬጣ ቢደረደር ሊያደናቅፋት ጨርሶ አይችልም፡፡  አሁንም ቢሆን ባለችበት ክፉ ሁኔታም ሆና ስለግፍ ስልጣን ቁልጭ ያለ ሃቅን ትናገራለች፤ ‹‹ለጥንካሬዬ ዋጋ እንደምከፍል ብገነዘብም የሚቃጣብኝን ለመቋቋም ዝግጁ ነኝ››፡በማለት ካለችበት ገሃነማዊ የቃሊቲ ጉረኖ ባመለጠው የእጅ ጽሁፏ መልእክቷን  ለአለም አስተላልፋለች፡፡

“ጥንካሬ ለሁሉም ድርጊት ታላቅ ዋጋ አለው፡፡ ጥንካሬ ከሌለ ማንኛውንም አይነት ዋጋ ያለው ተግባር ማከናወንም ሆነ ማቀድ አይቻልም” ያለችው ታላቋ የአሜሪካ የሰብአዊ መብት ተሟጋችና ጸሃፊ ማያ አንጀሉ ናት፡፡ ባለፈው ሳምንት የዓለም አቀፉ ሜዲያ ፋውንዴሽን (IWMF) የ2012ን  ታላቁን “የጋዜጠኝነት ጀግንነት” ሽልማቱን  ለአይበገሬዋ ርዕዮት ዓለሙ ሸልሟል፡፡ ባለፈው ሜይ ርዕዮትን ወደ ወህኒ ለመወርወርና ዝም ለማሰኘት ስለተከናወነው ሂደት ጽፌ ነበር፡፡

ከሲና የተረፉት የሲኦል ነዋሪዎች ጩኸት!!

“አሁን ጉዳያችን ለዓለም መድረሱን ሰማን” እስረኞቹ

“ላለፉት ሶስት ዓመታት ማንም ሳያውቀን ታስረናል። አሁን ጉዳያችን ለዓለም መድረሱን ሰማን።የተፈታን መስሎናል” የሚሉት እስራኤል ራምሌ በሚባ እስርቤት ከሶስት ዓመት በላይ ታስረው ያሉት ወገኖች ናቸው። ይህ የሆነው የአዲሲቷ ኢትዮጵያ የጋራ ንቅናቄ (አኢጋን) ዋና ዳይሬክተር በርዕስ ለእስራኤል ጠ/ሚኒስትር በግልባጭ ደግሞ ከጉዳዩ ጋር አግባብ ላላቸው ለተለያዩ የአገሪቱ ባለስልጣናት፣ ዓለም አቀፍ ድርጅቶች፣ ሰብዓዊ መብት ተሟጋቾችና የመገናኛዎች አውታሮች ያሰራጩትን ደብዳቤተከትሎ በእስር ላይ ያሉት ኢትዮጵያዊያን ጉዳይ በመንቀሳቀሱ ነው።

በእስራኤል የኢትዮጵያን እናድን አንድነት ማኅበር ሊቀመንበር አቶ ሳሙኤል አለባቸው አድማሱ ለጎልጉል እንዳስታወቁት ከእስር ቤት በስልክ ያነጋገሯቸው ወገኖች የደብዳቤውን መልዕክት ሰምተው አስታዋሽ በማግኘታቸው ደስታቸውን ገልጸዋል። አቶ ኦባንግ ሜቶ በበኩላቸው “ማድረግ የሚገባንን ማከናወን ጀምረናል የሚሆነውን እናያለን” በማለት በቅርቡ ከእስራኤል መንግስት ባለስልጣናት ጋር ለመነጋገር ወደ ስፍራው እንደሚያመሩና እስር ላይ የሚገኙትን ወገኖቻቸውን እንደሚጎበኙ አስታውቀዋል።

የልጆቹን እናት በበርካታ ጥይቶች ደብድቦ ለገደለው ተጠርጣሪ ተመጣጣኝ ቅጣት ተጠየቀ

‹‹ልጃችን በአሰቃቂ ሁኔታ በመገደሏ የኢትዮጵያ ሕዝብ ይፍረደን››  የሟች ቤተሰቦች

በታምሩ ጽጌ

ባለፈው ቅዳሜ ጥቅምት 10 ቀን 2005 ዓ.ም. ማለዳ ሁለት ሕፃናት ልጆቿን ወላጆቿ ቤት አድርሳ ወደ ሥራዋ በመሄድ ላይ የነበረችውን ወ/ሮ ፍሬሕይወት ታደሰን በመኪና አሳዶ በክላሽንኮቭ ጠመንጃ በርካታ ጥይቶችን በመተኮስ፣ ገድሏታል በተባለው ተጠርጣሪና የቀድሞ ባለቤቷ አቶ የወንድወሰን ይልማ ላይ ተመጣጣኝ ቅጣት እንዲጣል ቤተሰቦቿ ጠየቁ፡፡

በአሲድና በስለት የተጀመረው የሴት ልጆች ጥቃት ወደ ጦር መሣርያ መሸጋገሩን፣ በልጃቸው ላይ በጥይት እሩምተ የተፈጸመው ግን እስከዛሬ ከታየውና ከተሰማው የተለየና ጭካኔ የተሞላበትና የግፍ ግድያ በመሆኑ፣ ይህንን ድርጊት የሰማና የተመለከተ ኢትዮጵያዊ ሁሉ እንዲፋረድላቸው የጠየቁት የሟች ወላጆች፣ መንግሥት አፋጣኝና ተገቢ የሆነ የቅጣት ዕርምጃ እንዲወስድም ጠይቀዋል፡፡

ከሟች ጋር አብረው የነበሩትና በጥይት ፍንጥርጣሪ ተመትተው የተረፉት ወላጅ እናቷ ወ/ሮ ተናኘ ኃይለ ማርያም፣ ጥቅምት 10 ቀን 2005 ዓ.ም. በልጃቸው ላይ የተፈጸመውን የግድያ አፈጻጸም እንደገለጹት፣ ሟች ፍሬሕይወትና ተጠርጣሪው ገዳይ አቶ የወንድወሰን ከተለያዩ አንድ ዓመት ከስድስት ወራት ሆኗቸዋል፡፡ ፍቺው የተፈጸመው በፍርድ ቤት ነው፡፡ በትዳር በቆዩባቸው አራት ዓመታት ውስጥ የወለዷቸው የአራት ዓመት ሴትና የሁለት ዓመት ከስድስት ወራት ወንድ ልጆች አሏቸው፡፡ ፍቺው በፍርድ ቤት ሲፈጸም፣ ተጠርጣሪው በሳምንት ቅዳሜ ቅዳሜ ልጆቹን ወስዶ ካዝናና በኋላ ለእናታቸው እንዲያስረክብ ተወስኖ ነበር፡፡ በውሳኔው መሠረት ላለፉት አንድ ዓመት ከስድስት ወራት ይኼው ሲፈጸም ቆይቷል፡፡ ጥቅምት 10 ቀን 2005 ዓ.ም. ሟች በጠዋት ልጆቿን ወደ ቤተሰቦቿ ቤት ወስዳ ከእናቷ ጋር ጉዞዋን ወደ መሥርያ ቤቷ ማድረጓን ገልጸዋል፡፡ 

ወያኔ ኢትዮጵያውያን ሙስሊሞችን መጨፍጨፉን ቀጥሏል

ከዚህ በታች የቀረበው ጽሁፍ ሶሻል ሚዲያዎችን በመጠቀም ኢትዮጵያውያን ሙስሊሞች በማሰራጨት ላይ ያሉት ወቅታዊ ዘገባ ነው።

ሠላማዊ ትግላችን አሁንም አይቀለበስም!!

ትግላችን ወንድሞቻችንን በመግደል አይገታም!!!

በትናንትናው ዕለት በደቡብ ወሎ በደጋን እና ገርባ ከተማዎች የተፈፀመው ጥቃት ፈፅሞ ተቀባይነት የሌለው እና ለበርካታ ወራት ይዘን የዘለቅነው ፍፁም ሠላማዊውን የመብት ጥያቄ በምንም መልኩ ወደ ሌላ አቅጣጫ አይቀለብሰውም፡፡ ሙስሊሙ ኅብረተሰብ በአገር አቀፍ ደረጃ በአንድነት ስሜት ህገ መንግስትዊ ስርዓቱን ባከበረ መልኩ ያነሳቸው ጥያቄዎች ተገቢውን ምላሽ ያገኙ ዘንድ ለተቃውሞ አደባባይ ላይ በዋለባቸው አጋጣሚዎች ሁሉ ሂደቱ መልኩን ቀይሮ ኹከትን እንዲላበስ ብሎም ወደ ብጥብጥ እንዲያመራ ተከታታይ ሙከራዎች ተደርገውበት አልፏል፡፡ በእነዚህ ሙከራዎቻቸው ዛቻ፣ ድብደባ፣ እስራት እና የህይወት መስዋዕትነትን ከፍለናል፡፡ ይህ ሁሉ እየሆነ እያለ ያለ ምንም የአቋም መዋዠቅ ትገሉ ሠላማዊነቱን ጠብቆ እንዲዘልቅ ሙስሊሙ ኡማ ያላሰለሰ አስተዋፅኦ አበርክቷል፡፡ በመስከረም 27 ምርጫ እንኳን እነሱ ያለ ከልካይ በሕገ ወጥ ድርጊታቸው እንዳሻቸው ሲፈነጥዙ ሙስሊሙ ፍፁም ሠላማዊነቱን አስመስክሯል፡፡ በደቡብ ወሎ ደጋን እና ገርባ አካባቢዎች በትናንትናው ዕለት የተስተዋለውም የመንግስት ጸብ አጫሪነት የዚሁ የትንኮሳ እና ጸረ ሕዝብነት አንዱ ማሳያ ነው፡፡ክስተቱ የመላ ኢትዮጵያዊያን ሙስሊሞችን ሰላማዊ የመብት ማስከበር ትግል አቅጣጫ በማስቀየር ወደ ብጥብጥ እና ኹከት በመለወጥ ብሎም ሙስሊሞች በዚህ ሂደት ተደናግጠው ከመታሰር፣ ከመደብደብ ብሎም ከመሞት አርፎ መቀመጥን እንዲመርጡ ከያዙትም አቋም እንዲያፈገፍጉ የታለመ መሆኑን በእርግጠኝነት መናገር እንችላለን፡፡

ለካስ ኢህአዴግ ፈሪ ናት! | አቤ ቶኪቻው

 www.abetokichaw.com

ሽመክት ውድነህ፤ የኢትዮጵያ ብሄራዊ ቡድን ቴኳንዶ ክለብ ምክትል አሰልጣኝ ነበር። በቴኳንዶ “ሶስተኛ ዳን” በሚባል ደረጃ ኢንተርናሽናል ቀበቶ አግኝቷል። በፈረንጆቹ አቆጣጠር 2009 ዴንማርክ የቴኳንዶ ስፖርት ክለቡን ይዞ ሄዶ ተስፋ ሰጪ የሚባል ውጤት ይዞ ተመለሶ ነበር። (ይቺ ተስፋ ሰጪ… ከስፖርት ጋዜጠኞቻችን ኮርጄ ነው። ብቻ ከተስፋ አስቆራጭ ተቃራኒ የሆነ ውጤት ማለት ናት!)

በአዲስ አበባ ከተማ ወደ አስራ አምስት ሺህ የሚጠጉ ወጣት ልጆችን በቴኳንዶ ማሰልጠኑን አውግቶኛል። ሽመክት ከአምና በፊት የነበረው አምና (ካቻምና ማለት ነው) ግንቦት ሃያ ሊቃረብ አካባቢ ግን አንድ ፈታኝ ነገር ገጠመው።

በግል ክለቡ ቴኳንዶ የሚያሰለጥናቸውን ተማሪዎች ጠርጣራው መንግስት “ግማሹን በኦነግነት ግማሹን በግንቦት ሰባትንነት እጠረጥራቸዋለሁ” አለው። በዚህም የተነሳ የደህንነት ሰዎች ነን የሚሉ ሰዎች “የምታሰለጥናቸው ለግንቦት 20 ላሰባችሁት አመፅ እና ብጥብጥ ነው” ብለው ስለጥናውን እንዲያቆም አስጠነቀቁት።

ከማስጠንቀቂያው ብዙም ሳይቆይ የቀበሌው ሊቀመንበር አምስት ኪሎ አካባቢ የነበረውን ማሰልጠኛው ሊዘጉበት መጡ። አሻፈረኝ ብሎ ሲሟገት ስምንት የሚሆኑ ፌደራል ፖሊሶች ስድስት ኪሎ አምበሳ ግቢ አጠገብ በሚገኘው የፌደራል ፖሊስ ካምፕ ውስጥ አስገብተው ክፉኛ ደበደቡት። በዚህም የተነሳ ሁለት ወር ያህል አልጋ ይዞ ተኝቶ ነበር።

መሳቂያው ፓርላማ! | አቤ ቶኪቻው

ያው እንደሚታወቀው የፓርላማ አባላቱ የምክር ቤት ስብሰባ ለማድረግ ሲሄዱ ወረፋ አይጠብቁ እንጂ የሆነ ኮሜዲ ፊልም ለመታደም ሲኒማ ቤት እንደሚገቡ አድርገው እንደሚያስቡት የታወቀ ነው። ይሄ ካልታወቀ ትልቅ የመረጃ ክፍተት አለ ማለት ነው!

በተለይ በአቶ መለስ አስተዳደር ጊዜ አባላቱ በሙሉ ለሳቅ ለጨዋታ ተሰነዳድተው ነበር ምክር ቤት የሚመጡት። (ዛሬ ማን ያጫውተን ዛሬ ማን ያጫውተን….! አረ ማን ያስቀን አረ ማን ያስቀን!) ብለን እናስነካው እንዴ!?

የምር ግን ኢትዮጵያ በየ ነገስታቱ አለቃ ገብረሃናን የመሰሉ አጫዋችች ቤተ መንግስት አካባቢ አይጠፉም ነበር። በመንጌ ጊዜም አቶ ቆምጬ አምባው የአለቃ ገብረሃናን ያህል የኢሰፓ አባላትን እና የዘመኑን ሰው በድርጊታቸው ያዝናኑት ነበር ሲባል ሰምተናል።

በአቶ መለስ ጊዜ ግን ገብረሃናውም፣ ቆምጬ አምባውም፣ ጠቅላይ ሚኒስትሩም እርሳቸው ነበሩ! (እዚች ጋ አንድ ማስታወቂያ አለኝ… “አቶ መለስን እስቲ ተዋቸው” ለምትሉኝ ወዳጆቼ በሙሉ እንደዚህ አትብሉኝ! አልተዋቸውም። ጋሽ ሃይሌ እንዳሉትም የሳቸው ነገር የምንተወው አይደለም እየተወሱ እየተዘከሩ ለዘላለም ይኖራሉ! በዚህ ላይ ድርድር የለም) ሳቄ ሳይመጣ ከቅንፍ ልውጣ!

እና አቶ መለስ ከጠቅላይነታቸው በተጨማሪ የምክር ቤቱ አጫዋችም ነበሩ!

ታድያ ለሃያ አንድ አመታት ጨዋታ የለመደ ምክር ቤት ዛሬ ማን ያጫውተው? ዛሬ ማን ያስቀው? አቶ ሃይለማሪያም እንደሆኑ ከአቶ መለስ እስካሁን በቅጡ የኮረጁት ቁጣቸውን ብቻ ነው።

ሰሞኑን የተከበሩ አቶ ግርማ ሰይፉ “ሀገራችን ኢትዮጵያን እና ህዝቧን እግዚአብሔር በበረከቱ ይጎብኝ” ብለው ሲናገሩ ሙሉ የምክር ቤት አባላቱ ከት ብለው ሲስቁ የሚያሳይ ቪዲዮ የብዙዎች መነጋገሪያ ሆኖ አይተናል።

በርግጠኝነት የፓርላማ አባላቱን ምን አሳቃችሁ? ብለን ብንጠይቃቸው “…እና ፓርላማ የመጣነው ምን ልናደርግ ነው!?|” ብለው ባይመልሱ ውርድ ከራሴ!

እውነታቸውን ነው ገና ለገና ዛሬ እርሳቸው ሞቱ ተብሎ ፓርላማው ሳይሳቅበት ይዋል እንዴ!?

የሚገርመው ግን “መለስ አልሞቱም” የሚለው ንግግር ያላሳቃቸው ተበካዮቻችን (በቅንፍ የታይፕ ግድፈት አለ የምትሉ እያስተካከላችሁ እንድታነቡ መፈቀዱን እገልፃለሁ!) “እግዚአብሔር ይባርከን!” ሲባል ከት ብለው መሳቃቸው ነው። ይሄኔ ነው መሳቀቅ ያለችው ማን ነበረች!? ለማንኛውም ፓርላማውን መሳቂያ አድርገውት የሄዱት እሳቸው ናቸው እና አዎ መላቀቅ የለም “ዘላለም እንደተዘከሩ” ይኖራሉ!

ጁንዲን ሳዶ ከሃገር እንዳይወጡ ታግደዋል የበረራ ጉዞአቸውም ተሰረዘ!

ጂነዲን ሳዶ ከአገር እንዳይወጡ መታገዳቸውን ኢንዲያን ኦሽን ዘገበ። እንደ ኢንዲያን ኦሽን ዘገባ፤በቅርቡ ከኦህዴድ ሥራ አስፈፃሚነት በግምገማ የተሻሩት የሲቪል ሰርቪስ ሚኒስትሩ አቶ ጁነዲን ሳዶ ከአገር ሊወጡ ሲሉ በደህንነት ሀይሎች ተይዘው ተመልሰዋል።አቶ ጁነዲን ለህክምና ወደ ታይላንድ እንደሚሄዱ ለምክትል ጠቅላይ ሚኒስትሩ ለአቶ ደመቀ መኮንን ያሳወቁ ቢሆንም፤ በረራቸው እንዲሰረዝ ተደርጓል።ባለቤታቸው ወይዘሮ ሀቢባ ከ ሳዑዲ ኤምባሲ የሀይማኖት አታሼ ቢሮ 50 ሺህ ብርና 500 ቁርዓን ይዘው ሲወጡ ተይዘዋል ተብለው በ እስር የሚገኙ ሲሆን፤ በዚሁ ሳቢያ ከ ስራ አስፈፃሚነታቸው የተነሱት አቶ ጁነዲንም ተመሣሳይ ዕጣ ይገጥማቸዋል ተብሎ ይጠበቃል። የአቶ ጁነዲን ያለመከሰስ መብት እንደተነሳ ባሳለፍነው ሳምንት መዘገባችን ይታወሳል ::

የታገዱበትን ዋነኛ አላማ መንግስት ሊገልጽላቸው አልፈለገም …ለምን ያህል ጊዜ የቁም እስረኛ ሊያደርጋቸው እንደሚችልም ምንም ማረጋገጫ ባይኖርም ምናልባት የክስ ቻርጁ እስኪጠናከር ሊሆን እንደሚችል ይታመናል። አጠቃላይ የኢንዲያን ኦሽን ኒውስ ሌተርን ዜና በትላንትናው እለት አያይዘን በአፍሪካ ገጽ ላይ ማቅረባችንንም ልናስታውስ እንሻለን

http://www.maledatimes.com/2012/10/19/junedin-sado-in-a-fine-mess/

ሰበር ዜና!!መንግስት ለመጅሊስ አመራርነት በየወረዳዉ ተመርጠዎል የተባሉ ሙስሊሞችን በመጥራት ለሶስት ቀን የሚቆይ ስብሰባ እያካሄደ ነው

መንግስት መገናኛ አሚቼ አካባቢ በሚገኝ አዳራሽ ዉስጥ ለመጅሊስ አመራርነት በየወረዳዉ ተመርጠዎል የተባሉ ሙስሊሞችን በመጥራት ለሶስት ቀን የሚቆይ ስብሰባ እያካሄደ እንደሚገኝ የዉስጥ ምንጮች አስታወቁ:: የፌደራል ጉዳዮች ሚኒስተር ባለስልጣናት, የፌደራል ፖሊስ አመራሮች እና የመንግስት ከፍተኛ አመራሮች ስብሰባዉን እየመሩት እንደሚገኙ ለማወቅ ተችሏል:: በዉይይቱም ላይ የፌደራል ፖሊስ ኮሚሽን ኮሚሽነር አቶ ወርቅነህ ገበየዉ በመገኘት የሙስሊሙን ሰላማዊ ተቃዉሞ ህገ ወጥ መሆኑን ማብራሪያ መስጠታቸዉን ምንጮች አስታዉቀዎል::የስብሰባዉ ተሳታፊዎችም ለምን የታሰሩት ኮሚቴዎች አይፈቱም በማለት ጥያቄ ያቀረቡ ሲሆን በምላሹም መንግስት ህገ መንግስቱን የማስከበር ግዴታ ስላለበት ህግ ሲጥሱ የነበሩና ሀገሪቷን ወደ አልተፈለገ ሁከትና ረብሻ ለማስገባት ጥረት ሲያደርጉ የነበሩ ግለሰቦችን አይፈታም:: ጉዳያቸዉ በህግ የተያዘ በመሆኑ ማንም ተነስቶ ይፈቱ ስላለ አይፈቱም በማለት ምላሽ ተሰቷል:: በስብሰባዉም ላይ ሀገሪቱን እያመሱ የሚገኙት እጅግ በጣም ጥቂቶች መሆናቸዉን ደርሰንበታል:: በቅርቡም እርምጃ እንወስድባቸዎለን ብለዎል::እነዚህ ጥቂት ግለሰቦች ህዝባዊ, ዴሞክራሲያዊ የመላዉ ሙስሊሞችን ይሉኝታና አድናቆት የተቸረዉ ምርጫ ከተካሄደ ቡሀላም ምርጫዉ በግዳጅ የተካሄደ በመሆኑ አንቀበለዉም እያሉ በራሪ ወረቀቶችን እየበተኑ እንደሚገኙ ገልፀዎል::

ወንዙን የሚያሻግር ጥቂት ምክር (ተመስገን ደሳለኝ)

(ተመስገን ደሳለኝ፣ “ከመለስ በሁዋላስ?” በሚል ርእስ ካቀረበው ፅሁፍ የመጨረሻው አንቀፅ)

ጠቅላይ ሚኒስትር ኃይለማርያም ምን 

አልባት ድፍረቱ ካላቸውከህወሓት እና ብአዴን ‹‹የስልጣን እገታ›› ወደ አርነት የሚመሩየፖለቲካ መንገድ ማግኘት ላይቸገሩ ይችላሉ፡፡ ለምሳሌ በዋናነትየአጋቾቹ ጉልበት በሰራዊቱ እና በደህንነት ላይ የተመሰረተ መሆኑንአጢነው ‹‹የጠቅላይ ሚኒስቴር መንበራቸው››ን ስልታዊ ሆነውመጠቀም ከቻሉ ወንዙን ለመሻገር አይቸገሩም፡፡

እንዲሁም ሕገ-መንግሥቱን በሚገባ ለመተግበር ከቆረጡም በራሱ በህገ- መንግስቱጡንቻቸው ከተገዳዳሪዎቻቸው ሊበረታ የሚችልበትን ዕድል አያጡም፡፡ ይኸውምበህገ መንግሥቱ ‹‹የመከላከያ መርሆች›› በሚል በአንቀጽ 87፣ በቁጥር 1 ላይ፡- ‹‹የሀገሪቱ የመከላከያ ሠራዊት የብሔሮች የብሔረሰቦች እና የህዝቦችን ሚዛናዊተፅዕኖ__ ያካተተ ይሆናል›› የሚለውን ሊጠቀሙበት ይችላሉ፡፡ እናም ይህ አንቀጽይከበር ዘንድ ሠራዊቱ የብሔር ተዋፅኦን እንዲጠበቅ ‹‹የመዋቅር ማስተካከያ›› ካደረጉከሕገ-መንግሥቱ ይልቅ ለፓርቲ ታማኝ በሆነው ሠራዊት ላይ ድንገት ደርሰው የሀይልሚዛኑን ማመጣጠን አይከብዳቸውም፡፡ ይህን ለማድረግ ደግሞ የተጠቀሰውየህገ-መንግሥቱ አንቀፅም ድጋፍ ይሰጣቸዋል፡፡

በእርግጥ ይህንን ማድረግ ‹‹ራስንም ማደን›› መሆኑ የሚገባን አቶ መለስ ህይወታቸውካለፈ በኋላ እና ተተኪያቸው ከመመረጡ በፊት በእሽቅድምድም ለ34 ኮሎኔሎችየተሠጠውን የብርጋዴል ጄኔራልነት ማዕረግ ከህጋዊነቱ አንፃር ስናየው ነው፡፡ምክንያቱም ህገ-መንግሥቱ የጄኔራል ማዕረግ በምን መልኩ ሊሰጥ እንደሚገባውይደነግጋል፡፡ ‹‹የፕሬዘዳንቱ ሥልጣንና ተግባር›› በሚለው ክፍል አንቀጽ 71 ቁጥር 6ላይ እንዲህ ይላል፡- ‹‹በጠቅላይ ሚኒስትሩ አቅራቢነት በህግ በተወሰነው መሠረትከፍተኛ የውትድርና ማዕረጎችን ይሰጣል›› ኃይለማርያም ሊያነሱት የሚችሉት ጥያቄም‹‹የ34ቱ ጄኔራሎች ሹመት በማን አቅራቢነት የተካሄደ ነው?›› የሚል ይሆናል፡፡ሆኖም ጠቅላይ ሚንስትሩ የሚጠበቅባቸው ጥያቄ ማንሳት ብቻ ሳይሆን ከሹመቱአንድምታ ተነስተው በሰራዊቱ ለመጠቀም የሚሞክረው ኃይል ምን ያህል ደፋርእንደሆነ መረዳትም ይኖርባቸዋል፡፡ (በነገራችን ላይ ይህን ሹመት በህወሓት እናበብአዴን መካከል ተከሰተ ከተባለው ከስልጣን ፉክክር ጋር የሚያያይዙት የፖለቲካተንታኞች አሉ) ሌላው ኃይለማርያም ስልጣናቸውን ከዕገታ ነፃ ሊያወጡ የሚችሉበትአማራጭ ከፓርቲው ይልቅ (በይበልጥ) መንግሥታዊ ስርዓቱን በመጠቀም ሊሆንይችላል፡፡ እንደሚታወቀው የኢትዮጵያ ማዕከላዊ መንግሥት እጅግ ጠንካራ እናሚሊተራይዝድ ሆኖ የተዋቀረ ነው፡፡ ይህን የሚያውቅ መሪ ደግሞ ከላይ እስከ ቀበሌድረስ ማዘዝ የሚቻልበትን ልማድ በሚገባ ይተገብራል፡፡ ይህን ዓይነቱን መንግሥታዊመዋቅር የወረሱት አቶ መለስም በ1993ቱ ክፍፍል ወቅት ተገዳዳሪዎቻቸው በፓርቲህገ-ደንቦች አጥረው ሊያቆሟቸው ሲሞክሩ እርሳቸው ግን ይህን ተሻግረውመንግስታዊ መዋቅሩን በመጠቀም (ለስዬ ፍርድ ቤትን እንደተጠቀሙት) የሃይልትንቅንቁን ተሻግረዋል። ኃይለማርያምም ይህን ሊያደርጉ የሚችሉበት ዕድል ሊኖርይችላል፡፡ እርግጥ ነው ይህን ማድረግ የሚችሉት ጥቂት ዓመታት ሀገሪቷን መምራትሲችሉ ብቻ ነው፡፡ በእንዲህ አይነት ሁኔታ ወንዙን መሻገር ከቻሉ ደግሞ ገላጣው ሜዳላይ ይደርሳሉ፡፡ ተጨማሪ የመለስን ስልትም ያገኛሉ፡፡ መለስ ከዚህ በፊት የውስጣዊኃይል መደላደላቸውን ከፓርቲ ፓርቲ ሲቀያይሩ ሚሊተሪውን እና ደህንነቱንም እንዲሁእያፈራረቁ የተጠቀሙበትን ማለቴ ነው፡፡

በአናቱም ሊጫኗቸው የሚሞክሩትንም እንዲሁ መለስ እንዳደረጉት ‹‹ግራ-ዘመምጠባብ ብሄርተኞች ናቸው›› የምትል ካርድ ለምዕራባውያኑ ማሳየት ይችላሉ(ምዕራባውያኑ ኃይለማርያምን Pragmatic፣ ነባሮቹን ደግሞ ማቻቻል የማያውቁከሚሉት አንፃር) እንግዲህ መጪዎቹ ጊዜያቶች ለኃይለማርያምም ሆነ ለነባር ታጋዮቹፈታኝ ይሆናሉ ብሎ መገምት አያስቸግርም፡፡ ከምንም በላይ እንዲህ ዘግይቶም ቢሆንኢህአዴግ የእኛን የዜጎቹን ድምፅ መስማት ቢጀምር እጅግ የተሻለ እንደሆነምማስታወስ ያሻል፡፡

በአናቱም አቶ መለስ ደህንነቱን እና ሰራዊቱን ሙሉ በሙሉ በግላቸውከመቆጣጠራቸው በፊት (ከ1983ዓ.ም. -1993 ዓ.ም.) የ‹‹ጉልበተኛ ጓደኞቻቸውንአቅም›› ያፍረከረኩት መንግሥታዊ ስልጣናቸውን በመጠቀም በመሆኑ ከእሳቸውስልት (ከመለስ አጠገብ ሆኜ ብዙ ተምሬአለሁ እንደሚለት) ትምህርት ወስደው ከሆነለብልህነታቸው እና ለአርቆ አሳቢነታቸው አድናቆት አለኝ፡፡

እኛ “ነጋሲ” ስንልዎ እርስዎ “ሌጋሲ” እያሉ… እየተያየን ተለያየን!? አቤ ቶክቻው

ትላንት ጠቅላይ ሚኒስትር ሃይለማሪያም ደሳለኝ (በቅንፍም ቢያንስ ሌላ ጠቅላይ ሚኒስትር በመጥራቴ እኔም ደሳለኝ…!) በፓርላማ ጥያቄዎችን ለመመለስ ለመጀመሪያ ግዜ ቀርበው ነበር። በዚህ የመጀመሪያው የጠቅላይ ሚኒስትሩ ፓርላማ ላይ በርካታ ዋና ዋና የሟቹ ወዳጆች አልተገኙም ነበር አሉ። ወሮ አዜብም ካልተገኙት ውስጥ ናቸው። ወሮዋ ድሮ በሟቹ ጊዜ ስብሰባ ሲቀሩ ከፓርላማው ስብሰባ መልስ ለቀጣዩ መጂሊስ ስብሰባ ቤቱን ሞቅ ሞቅ አድርገው ሊጠብቋቸው ነው የቀሩት ብለን እናስብ ነበር። አሁን ደግሞ ምን ሆነው ቀሩ…? ብለን ስንጠይቅ “ላልተወሰነ ጊዜ ቤተመንግስቱን አምነው ርቀው አይሄዱም አሉ!” የሚል ሽሙጥ እናገኛለን።

የሆነው ሆኖ ግን አቶ ሃይለማሪያም በትላንቱ ፓርላማ መለስን ሆነው ሲተውኑ ነው የተመለከትናቸው። እንደውም አንድ ወዳጄ ሲናገር እንደሰማሁት አፈ ጉባኤው ጠቅላይ ሚኒስትሩን ሲያስተዋውቁ “ቀጥሎ እንደ መለስ ዜናዊ ሆነው እንዲተውኑልን አቶ አርቲስት ሃይለማሪያም ደሳለኝን እጋብዛለሁ!” ማለት ነበረባቸው ብሎኛል።፡

አቶ ስብሐትና የተንኮል ፖሊቲካ በፕሮፌሰር መስፍን ወልደማርያም (መነበብ ያለበት) ጥቅምት 2005

አቶ ስብሐት ነጋ ሙሉ ነጻነቱን የሚወድ ሰው መሆኑን አደንቅለታለሁ፤ አስቦም ይሁን ሳያስብ አንደልቡ የመናገር ባሕርይ አለው፤ በበኩሌ ይህንን ባሕርዩንና በመብቱ መጠቀሙን አከብርለታለሁ፤ ሀሳቡ የተሳሳተ ይሁንም አይሁንም፣ እኔ የምስማማበት ሆነ አልሆነም፣ እኔ ልቀበለውም አልቀበለው ስብሐት ነጋ በሙሉ ነጻነቱ ተጠቅሞ ሀሳቡን ሁሉ መግለጹን አከብርለታለሁ፤ እሱም የእኔን ሀሳብ የመግለጽ ነጻነት አንደሚያከብርልኝና እንደሚያስከብርልኝ ተስፋ አለኝ፤ ከዚያም በላይ ነጻነት ሁልጊዜም፣ የትም ቦታ ከኃላፊነት ጋር የተቆራኘ መሆኑን እንድንገነዘብ ያሻል፤ ኃላፊነት የሌለበት ነጻነት የለም፣ ኃላፊነት የሌለበት ነጻነት ስሙ ሌላ ነው፡፡

በቅርቡ አቶ ስብሐት በአደረገው ቃለ መጠይቅ አዲሱ ጠቅላይ ሚኒስትር የተሾመው ወያኔ ዱሮም አስቦበት ወንበሩን ከአማርኛ ተናጋሪዎችና ከኦርቶዶክስ አማኞች ለማጽዳት በተዘጋጀበት እቅድ ነበር ብሎአል፤ ልብ ላለው አነጋገሩ በሁለት በኩል ስለት ያለው ቂል የያዘው ሰይፍ ነው፤ ከፊት ለፊት የተሰነዘረው አማርኛ ተናጋሪውንና የኦርቶዶክስ ቤተ ክርስቲያን አማኙን ለመምተር ነው፤ ቂል የሚያደርገው አማራ የሚባል ጎሣ ቢኖርም የኦርቶዶክስ ሃይማኖት በአማርኛ ተናጋሪዎች ታጥሮ ትግሬንና ኦሮሞን፣ ወላይታንና ጉራጌን፣ ሌሎችንም የማይነካ መስሎት ከባድ ስሕትት ላይ መውደቁ ነው፤ ከሁሉም በላይ እሱን የሚያህል ሰው የተክለ ሃይማኖትን ታሪክ አለማወቁ ያሳዝናል፡፡

አማራንና የኦርቶዶክስ ተከታዮችን መትሮ ሲመለስ ደግሞ ሰይፉ የሚቀላው ወላይታንና ጴንጤነትን፣ ምናልባትም እስልምናን ይሆናል፤ አማራን ለመምተር ተነሥቶ ሌላውን ስንቱን ቀላው! እስልምናን በጥርጣሬ ያስገባሁት ምክትል ጠቅላይ ሚኒስትሩ እስላም ነው የሚባል ያልተጣራ ወሬ በመስማቴ ነው፡፡

የኢቲቪ እንግሊዘኛው ክፍል ጋዜጠኛው ኮበለለ

የእንግሊዘኛው ክፍል ባልደረባ ነው። ዛሬ በፌስ ቡክ ግድድዳው ላይ “I have said “enough is enough“ and decided to never be back in that dirty propaganda factory called ERTA.” የሚል ለጥፎ አስነብቦናል። መቼም ሰው ከኢትዮጵያ ቴሌቪዥን “በቃኝ ብያለሁ በቃኝ” ብሎ ቢማረር ምን ሆኖ ነው? ተብሎ አይጠየቅም። ምክንያቱም ቤቱ ኢቲቪ ነው!

ይልቅስ በኢቲቪ አሁን ድረስ እየሰሩ ያሉ ወዳጆቻችን ምን ሆነው ነው የማይለቁት? ኢቲቪው ላይ ምነው ወይዘሮ አዜብ ሆኑበት? የሚለው ጥያቄ መልሱ ግር ይላል።

በነገራችን ላይ አንድ ወደጄ ነው ይቺን አዲስ ፈሊጥ የነገረኝ። አንድ ሰው የሆነ ቦታ ገብቶ አልወጣ ካለ “ምነው አዜብ መስፍንን ሆንክ!?” እያሉ መጠየቅ በከተማው ተለምዷል አሉ። ይሄ ያነጋገር ፈሊጥ መፀዳጃ ቤት ገብቶ አልወጣ ላለ ሰው፣ ከመኝታው አልነሳ ላለ እንቅልፋም ሁሉ አገልግሎት ላይ ይውላል።

አሁንም በነገራችን ላይ ወሮ አዜብ በወሮ ሚሚ በኩል “ቤተመንግስት ይሄን ያክል ብርቅ ነው እንዴ! ቀስ ብዬ ወጣለኋ ሀዘኑ ይብረድልኝ እንጂ!” የሚል መልዕክት አስተላልፈዋል አሉ! “ወይ ጉድ ለእነዚህ ወሮዎች እና ለአንዳንድ ወሮበሎች የሚሆን መድሃኒት ጠፋ አይደል!?” አሉ አይደል በሆድዎ…? ተነቃቅተናል!

የሆነው ሆኖ ከኢቲቪ ላይ እስካሁን አዜብ መስፍን የሆኑበት ጋዜጠኞች እስካሁን ያለመልቀቃቸው ምስጢር ለስብሰባ ውጪ ሀገር ስላልተላኩ ነው እንጂ እንኳን ሌላ ሃይለራጉኤልም ለቋል። የምር ግን ጋዜጠኛ ሃይለራጉኤል እና ባለቤቱ ሂሩትን የበላች አሜሪካ አልጮህ አለችሳ…!

ለማንኛውም ሰለሞን መንግስት ዛሬ በፌስ ቡክ ግድግዳው በለጠፈው መሰረት በቃኝ ብሎ ከኢቲቪ ወጥቷል። በርካቶችም ልክ ከአንዳች ህመም ተፈወስኩ ያል እስኪመስል ድረስ “የእንኳን ደስ አለህ” መልዕክት እና “እሰይ የኔ አንበሳ” የሚል ማበረታቻ አጎድጉደውለታል። ጋዜጠኛው በውስጥ መስመር እንዳወራኝ እሁድ ጥቅምት አራት ለስራ በተላከበት ሀገር ነው የኢቲቪ ስራ “ሴራ” ነው ብሎ የነካው።

“ነካው”… ቃሉ የአራዳ ሲሆን “ሄደ” “አመለጠ” “ኮበለለ” የሚለውን ትርጓሜ ይይዛል!

የወያኔ የዕድገት መለኪያ ምንነት

ማንኛውም የመልካም አስተዳደር ሥርዓት ያስፈነና ውጤት ከራሱ ጀምሮ በአካልና በአዕምሮ የፀዳ መሪ ያላቸው ሃገሮች ስለሁለንተናዊ እድገታቸው ሲያስቡ ቀዳሚው ተግባራቸው የሚያደርጉት የዜጎቻቸው የዴሞክራሲያዊ መብቶች ሙሉ በሙሉ መስፈናቸውን ቀጥሎም በተግባር ተተርጉመው መከበራቸውን ተከታታይነት ባለው ቁጥጥርና ክትትል ማረጋገጥ ነው።

ይህ ሆነ ማለት ደግሞ የሚናፍቁትን ሃገራዊ ልማትና ዕድገት በዜጎች ሙሉ ተሣትፎ ማረጋገጥ ይሆናል። ከዚህ እውነታ ባፈነገጠ ኢ-ዲሞክራሲያዊ አካሄድ እየተጎዙ መጠቀማቸው ለመንግሥት በሆኑ የመገናኛ ዘርፎች በውሸት የታጀለ መግለጫና ፕሮፖጋንዳ በማናፈስ እየመራሁህ ነው በሚሉት ህዝብ ላይ መቀለድና ማላገጥ ለትዝብት ደርሆ እንደሚያስተውለው ኃይል የሆነውን ፍቅሩንና አመሄታውን ከማጣት የዘለለ ትርፍ አያስገኝም። የግለሰብ መብት ባልተከበረበትና ነፍጥ ባነገቱ የፌዴራል ፖሊስ እና ልዩ መቼ የመከላከያ ሠራዊት ቡድኖች ከየቤቱ እየተጎተተ በጥይት አረር ተጠብሶ በሚሞትባት ሃገር ስለዴሞክራሲ የሚያወራ በእብለት የሰባ ልሣን ምን ያህል ያልተገራና አሣፋሪ መሆኑን የሚያሳይ ሃቅ ነው።

ለዚህም በማስረጃነት በቅርቡ በአፋር አካባቢ የተፈፀመው ግፍ አረጋጋጭ ነው።.... ጉዳዩ እንዲህ ነው ነፍጥ በትከሻው፣ የፀጉር ሚዶ (ማበጠሪያ) በጎፈሬው፣ ረዘም ያለ መፋቂያ በጥርሱ መያዝ ነባር ባህላዊ እሴቱ የሆነውን የአፋር ብሔረሰብ አካል የሆነ ወጣት ጠመንጃህን ካልነጠቅንህ በሚል ትንቅንቅ ህይወቱ በፌዴራል ፖሊስ አባላት ትጠፋላች...በቀጣይ የአንድ ፌዴራል ፖሊስ ከነባለቤቱ መገደልን ከሟች ቤተሰብ ጋር በማያያዝ ቤተሰቦቹን በጥይት መደብደብ ምን ያህል ያለው ሥራት ፋሺስታዊ ባህርይ እንዳለው ማረጋገጫ ነው።

በኣረብ ኣገራት ላሉ እህቶቻችን ልንደርስ የምንችልባቸው ኣምስት መንገዶች!

በኣረብ ኣገራት ለግርድና የሚሄዱትን እህቶቻችንን የሚደርስባቸውን ስቃይ መናገር መነሻዬ ኣይደለም። ያልፍልኛል፣ እናት ኣባቴን እጦራለሁ እያሉ ወደ ሊባኖስና ሌሎች የኣረብ ገልፍ ኣገራት የሚጎርፉት እህቶቻችን ከሰባዊነት ደረጃ ዝቅ ብለው ሲሰቃዩ ሌላው በተለያየ የኣለም ክፍል ያለው ኢትዮጵያዊ ከንፈሩን ከመምጠጥ ያለፈ ብዙ ነገር ሲያደርግ ኣይታይም። እግዚኣብሄር ይባርካቸውና የተለያዩ ሰባዊ መብት ተሟጋች ድርጅቶች የቻሉትን ሁሉ እየታገሉ ነው። ግን ኢትዮጵያዊው የበኩሉን ለመወጣት ከማንም በላይ የሞራልም የዜግነትም የውዴታ ግዴታ ኣለበት። 

የዛሬው ጽሁፌ በሌላው ኣለም ያለው ኢትዮጵያዊ ምን ሊያደርግ ይችላል? በሚል ተግባራዊ ዘዴዎችን ለመጠቆም ነው። በመሆኑም ለእህቶቻችን በሚከተሉት መስመሮች ልንደርስላቸው እንችላላን።

1) ለወገን ለሃገር ተቆርቋሪ በሆኑ ኢትዮጵያዊያን የተቋቋመው ኢሳት ቴሌዚዥን ድርጅት በኣፋጣኝ መቀመጫውን ሊባኖስ ያደረገ የሪፖርተር ቡድን ሊልክ ያስፈልጋል። ይህ ቡድን በየጊዜው የሚደርሰውን በደልና እንግልት እየዘገበ በማጋላጥ ችግራቸውን ሊቀንስ ይችላል። ኣንዱ ትልቁ ችግራቸውም በየሜዳው እየሞቱ ወደ ሚዲያ ስለማይወጣ ነው። ይህ ቡድን በየጊዜው በሚያደርገው ኢንቬስትጌቲቭ ሪፖርት ለኣለም ኣቀፉም ሆነ ለ ኢትዮጵያዊያን ያሳውቃል። ኣንዱ ችግር የኢንፎርሜሽንም ነው። ባለፈው እህታችን ኣለም ደቻሳ የሞተች ጊዜ ነው ትንሽ የተደናገጥነው። ያ ወደ ሚዲያ ስለወጣ እንጂ ሚዲያ ሳያውቃቸው የሚገደሉ የሚሰቃዩ ብዙ ናቸው።

http://www.ethiotube.net/video/22442/EthioTube--the-Scene--EPRP-Youth-confront-Siye-Abraha-in-Washington-DC--October-7-2012

አቶ ጁነዲን ሳዶ ከኦሕዴድ ሥራ አስፈጻሚነት ተወገዱ

October 7, 2012    

የሲቪል ሰርቪስ ሚኒስትሩ አቶ ጁነዲን ሳዶ ከኦሮሞ ሕዝቦች ዴሞክራሲያዊ ድርጅት (ኦሕዴድ) ሥራ አስፈጻሚነት ተነስተው በተራ አባልነት እንዲቀጥሉ ድርጅቱ መወሰኑን ምንጮች ለሪፖርተር አስታወቁ፡፡

የኦሕዴድ ሥራ አስፈጻሚ ከመስከረም 21 ቀን እስከ መስከረም 24 ቀን 2005 ዓ.ም. ባካሄደው ዓመታዊ ጉባዔው ላይ፣ በሟች እናታቸው መኖሪያ ላይ እያሠሩት ካለው መስጅድ ጋር በተያያዘ የተገመገሙት ሚኒስትር ጁነዲን፣ ከፍተኛ የዲሲፕሊን ጉድለት መፈጸማቸውንና ካሉበት ኃላፊነትና ሥልጣን አኳያ ተገቢ ያልሆነ ሥራ መሥራታቸው በዋናነት እንደተገመገሙበት ምንጮቹ አረጋግጠዋል፡፡

ፍትሐት (ለአቶ መለስ የተደረገው ፍትሐት በኢትዮጵያ ኦርቶዶክስ ተዋህዶ ቤተ ክርስቲያን እይታ) ቀሲስ አስተርአየ ጽጌ

October 4, 2012   ·   0 Commentsፍትሐት (ለአቶ መለስ የተደረገው ፍትሐት በኢትዮጵያ ኦርቶዶክስ ተዋህዶ ቤተ ክርስቲያን እይታ) ቀሲስ አስተርአየ ጽጌ click here maledatimes.com/pdf(ለአቶ መለስ የተደረገው ፍትሐት በኢትዮጵያ
ኦርቶዶክስ ተዋህዶ ቤተ ክርስቲያን እይታ)
ቀሲስ አስተርአየ ጽጌ
nigatuasteraye@gmail.com
መስከረም ፳፻፭ ዓ.ም.
(የተደበተውን ነገር ቀስቅሶ እንደሚያስነሳ አውሎ ነፋስ፤ የአቶ መለሰ ሞት የብዙ ሰዎችን ስሜት ቀስቅሶ ብዙ የተለያዩ ሐሳቦችን እያነሱ እንዲነጋገሩ አድርጎ ሰንብቷል። እኔም በኢትዮጵያዊነቴና በተለይም በኦሪቱ ለስልሶ በክርስትና ተቀርጾ ከሁለት ሽህ ዓመታት በላይ እየተጓዘ ከኛ የደረሰውን ኢትዮጵያዊውን ስነ መለኮትና ስነ ልቡና ሲመረምሩ ሕይወታቸውን ባሳለፉት ኢትዮጵያውያን እቅፍ በማደጌ፤ ከነሱ የሰማሁትን በልደት፡በጥምቀትና በሞት ላይ የተመሰረተውን ኢትዮጵያዊ ስነ ልቡና ለመግለጽ ይህ ጊዜ መልካም አጋጣሚ መስሎ ስለታየኝ፤ ይህችን ጦማር ለመላ ኢትዮጵያውያን አቀረብኳት።)
መግቢያ
ኅብረተ ሰብ፤ በተለይም እንደ ኢትዮጵያ ያለ ኅብረተ ሰብ የድርሰቶች ምንጭ ነው። የቅኔ ሰወችም አንህብት ሆነው ቅኔያቸውን ለመስራት የሚቀስሙት አበባ ነው። እርቦን ምግብ ለማግኘት ኮፌዳችንን ይዘን ወደ መንደር ስንወጣ፤ “የምትሄዱበት ህብረተ ሰብ ምንጭነቱ ለአካላዊ ምግባችሁ ብቻ አይደለም። ሕዝቡ የሚሰጣችሁን ምግብ ለመቀበል ኮፌዳችሁን ብቻ አትክፈቱ። ለአዕምራችሁም ምንጭ ነውና ለምትቆጥሩት ቅኔ ሰም ለመቅሰም፤ መስነቅተ አዕምሯችሁንም ክፈቱ” መምህራን ይሉን ነበር። ቅኔ ለመቀመር ሀሳብ ሲያጥረን አዕምሯችንም ማመስጠር ሲያቅተው፤ ሰም ሆኖ የሚያገለግለን የሚያሳዝን ያሚያስተክዝ የሚያስቅና የሚያስደስት ነገር ለመፈለግ ወደ መንደር ጎራ እንል ነበር።
2 እሬት በበዛበት፤ ግራዋ ከተንሰራፋበት አካባቢ ጣፋጭ ማር ማምረት እንደማይቻል አሁን አገራችንና ቤተ ክርስቲያናችን ካሉበት ሁኔታ ደህንነት ሰላምን ጤንነትንና መረጋጋትን የሚያንጸባርቅ ቅኔ ማፍለቅ አይቻልም እንጅ፤ በዚህ ዘመን ያሉ የቅኔ ዘራፊወችና ተማሪዎች ቅኔ ለመዝረፍና ለመቀመር ምስጢር እየፈሰሰ ነው።
የአቡነ ጳውሎስና የአቶ መለስ ባንድ ሳምንት መሞት የሀዘንና የትዝብት፤ የድንጋጤና የመገረም ስሜት በመቀላቀል ህዝቡን ሲያምሰው ከመሰንበቱ ጋራ፤ የኢሀደግ መንግስት ይህን መታመስ ላቶ መለሰ ፍቅርና አክብሮት እንደተደረገ አስመስሎ የኢትዮጵያዊነትን ስሜት ለማይረዳው ዓለም ለማቅረብ እንደሞከረ፤ የቤተ ክርስቲያናችንን ስርዓት አስወግደው አቶ መለሰ የፈጠሩትን የፖለቲካ መርሆ በመከተል ላይ ያሉት አንዳንድ የዘመናችን ጳጳሳትም፤ በክርስቶስ አምኖ፤ የበደለውን ይቅርታ ጠይቆ፤ ንስሀ ገብቶ፤ ቆርቦ ለተሰናበተ ክርስቲያን በሚደረገው የክብር መሸኛ፤ አቶ መለሰን አማኝ ክርስቲያን አድርጎ ለውጭ ተመልካች ለማቅረብ ሲሉ ብቻ፤ ከአቶ ስብሀት ነጋና ከገብረ ኪዳን ደስታ ጋራ በመተባበር በቤተ ክርስቲያኒቱ ላይ የዘመቱትን የአቶ መለሰን ሬሳ ‘በክብር’ ወደ ግብአተ መሬት ሸኝተውበታል።

የለገደንቢ ወርቅ ሽያጭ ድራማ!!

ወርቃችን እንዴት አላሙዲ እጅ ገባ?

October 3, 2012 11:50 am By Editor Leave a Comment

እ.አ.አ በ1997 በጨረታ ወደ ግል ንብረትነት ተዛወረ የተባለው የኢትዮጵያውያን ሀብት የተሸጠው 172 ሚሊዮን ዶላር ነው፡፡ሽያጩ ተግባራዊ ከሆነ በኋላ ሽያጩን ተከትሎ በርካቶች አርረዋል፤ ተቃጥለዋል። “ዋይ ዋይ ወርቃችን” ብለው አንብተዋል። ህዝብ የፈለገውን ቢል ደንታ የሚሰጠው አካል ስለሌለ የለገደንቢ ወርቅ ማዕድን ከኢትዮጵያ ህዝብ እጅ በአዋጅ ተነጠቀ።

ሽያጩን እውን ያደረገው የኢትዮጵያ የፕራይቬታይዜሽን ኤጀንሲ ቦርድ ሰብሳቢ የነበሩት የወቅቱ የኦሮሚያ ክልል ፕሬዚዳንት አቶ ሀሰን አሊ ሲሆኑ፣ የአቶ ስዬ አብርሃ ወንድም አቶ አሰፋ አብርሃ የኤጀንሲው ቦርድ ምክትል ሰብሳቢ ነበሩ። ሁለቱም ባለስልጣናት ዛሬ ሃላፊነት ላይ የሉም። ስለ እውነትና ስለ አገር ሲሉ የሚያውቁትን ለመተንፈስ እስከዛሬ ቢጠበቁም ያሉት ነገር የለም። ሃሰን አሊ ሲኮበልሉ፣ አቶ አሰፋ አብርሃ ከወንድማቸው ጋር በሙስና ተወንጅለው የወህኒ ቤት ጊዜያቸውን አጠናቀው እየኖሩ ነው።

ምዕራብ ሃረርጌ አሰበ ተፈሪ መምህር የነበሩትና ኢህአዴግን መንገድ ላይ የተቀላቀሉት ሀሰን አሊ ካገር መኮብለላቸውን ተከትሎ የተለያዩ መረጃዎች ይወጡ ነበር፡፡ በርካቶች ጉዳዩን ከኦነግ ጋር ቢያያይዙትም “ካገር ውጡ ተብለው፣ ሀብትና ንብረት ተዘጋጅቶላቸው ኮብልለዋል” የሚል መረጃ ለባለስልጣናትና ለባለሃብቱ ቅርብ ነን ከሚሉ ወገኖች እንሰማ ነበር። በወቅቱ ኦሮሚያ ክልል አስተዳደር ውስጥ በነበረኝ ሃላፊነት ሳቢያ ከሰማኋቸው መረጃዎች ውስጥ ሃሰን አሊ “ውጡ” ተብለው እንደ ኮበለሉ የሰማሁት መረጃ ካለኝ ሃላፊነት ጋር ተዳምሮ እንዳጣራው ወሰንኩና ጊዜ ሰጥቼ አነፈንፍ ገባሁ።

ኃይለማርያም ደሳለኝ አዲሱን ካቢኔያቸውን የፊታችን ሰኞ ያሳውቃሉ፤ ሹም ሽር ይጠበቃል

October 3, 2012   ·   0 Comments

(ሰንደቅ ጋዜጣ) የሕዝብ ተወካዮች ምክር ቤት እና የፌዴሬሽን ም/ቤቶች የፊታችን ሰኞ (መስከረም 28 ቀን 2005 ዓ.ም) በፕሬዝዳንት ግርማ ወ/ጊዮርጊስ ንግግር በይፋ ይከፈታሉ ተብሎ ይጠበቃል።

ም/ቤቶቹ ሰኞ ዕለት በይፋ ከተከፈቱ በኋላ ማክሰኞ ዕለት መደበኛ ሥራቸውን እንደሚጀምሩ ታውቋል። የሕዝብ ተወካዮች ም/ቤት ማክሰኞ ዕለት መስከረም 29 ቀን 2005 ዓ.ም በሚያካሂደው መደበኛ ስብሰባ ላይ ጠ/ሚ

ኃይለማርያም ደሳለኝ አዲሱ ካቤኔያቸውን ም/ቤቱ እንዲያፀድቅላቸው ይዘው ይቀርባሉ ተብሎ ይጠበቃል። ምንጮቻችን እንደገለፁት ወደ 22 የሚጠጉ ሚኒስቴር መ/ቤቶችን የሚመሩ ሚኒስትሮች መካከል በአቶ ኃይለማርያም ሹመት የሚቀጥሉም፣ የሚሰናበቱም ይኖራሉ። ይህም ሂደት ይከናወናል ተብሎ የሚጠበቀው የኢህአዴግ አራት አባል ፓርቲዎች ተመጣጣኝ የኢህአዴግ አራት አባል ፓርቲዎች ተመጣጣኝ ዕድል ለመስጠት እንዲሁም አጋር ፓርቲዎችን በካቢኔ ቦታ ውስጥ ለማሳተፍ ሲባል ነው።

ሟቹ የቀድሞ ጠ/ሚኒስትር አቶ መለስ ዜናዊ መስከረም 25 ቀን 2003 ዓ.ም ባዋቀሩትና በአሁኑ ወቅት በሥራ ላይ ባለው ካቢኔ ውስጥ የደቡብ ኢትዮጵያ ሕዝቦች ዴሞክራሲያዊ ንቅናቄ (ደኢህዴን) – ስድስት፣ ብአዴን – አምስት፣ኦህዴድ – አምስት፣ ህወሓት – ሁለት፣ ሶህዴፓ – ሁለት፣ ከአፋር – አንድ፣ ከየትኛው ፓርቲ አባል ያልሆኑ አንድ ሚኒስትር በማካተት ለፓርላማው አቅርበው ማስፀደቃቸው ይታወሳል።

ቀደም ሲል አቶ ኃይለማርያም ደርበው ይዘውት የነበረውን የውጪ ጉዳይ ሚኒስትርነት ቦታ በአሁኑ ወቅት በመ/ቤቱ ሚኒስትር ዴኤታ በመሆን በማገልገል ላይ የሚገኙት አቶ ብርሃነ ገ/ክርስቶስ ይይዙታል የሚል መረጃ እንዳለው

ምንጫችን ጠቁሟል። ሆኖም ይህን መረጃ ከሚመለከታቸው አካላት ለማረጋገጥ ያደረግነው ጥረት አልተሳካም።

Share this:

``ላም ባልዋለበት......``

 ከማርታ ህብስቱ

ኖርዌይ

በሴቶች መብት ላይ የሚደርሱ ተፅህኖዎችንና የጾታ ጥቃቶችን በተመለከተ በመላው ዓለም ላይ ያልተደረጉ ጥናቶችና ያልተፈተሹ ድርሳኖች የሉም። ለዚሁ የህብረተሰቡ አካል የሆኑ ወገኖች ቁልፍ ችግር መፍትሄ ለመስጠት ብዙ ሃገሮች የትግሉ ድርሻ ለባለጉዳዮቹ ሳይባሉና ሳይተው የየሃገሪቱ ዜጎች አጋርነታቸውን አሳይተውበታል።

ብዙዎችም ለይስሙላ ያህል ሳይሆን በሴት እህቶቻችን መብትና እኩልነት ላይ ጫና ከሚፈጥሩ ኋላ ቀር ባህሎችና ልማዶች ጉያ ስር የተፈለፈሉ ያልተጻፉና የተጻፉ ህጎች ውስጥ የአፈናው መሳሪያ የሆኑ ህጎችን በማረም ለዕድገታቸው የላቀ አስተዋጽኦ ሰጪ ከሆነ የድል ምዕራፍ ላይ እንዲደርሱ አስችሎቸዋል። በሃገራችን በኢትዮጵያ ውስጥ ወንድና ሴት የተለያየ አመለካከት እንዳይኖራቸው ጋሬጣ በሆነ ሥርዓት ውስጥ እንዲያድጉ በሆነበት ሁኔታ የግንዛቤ ለወጥ ለማምጣት ብዙ ማውራት ሣይሆን የተወራለትን በጎ ነገር ወደ ተግባር ማሸጋገሩ ወሳኝ ቢሆንም ቅሉ ትኩረት የተቸረው ባለመሆኑና ዓለም አቀፍ የትኩረት አቅጣጫን ለማስቀየር ብቻ ማደራጀት ከሚል ሽፋን የራቀ አይደለም።በሃገራችን ውስጥ ሴቶች በማህበር በዕድር መደራጀት የጀመሩበት ዓመታት የተቆጠሩ ቢሆንም ያፍሩላቸው ፋይዳ የለም። ማናቸውም አደረጃጀት በገዥው በኩል የገደብ አጥር የታጠረለት ነውና ያንን ሾልኮ ለማለፍ የመናገርና የመፃፍ መብት በታፈነባት ሃገር የሚታሰብ አይደለም ምክንያቱም ሴቶች ተደራጀተውበታል የሚባለው አደረጃጅት ያለባቸውን የመብት ረገጣና የጾታ ጥቃት ለማስወገድ የሚታገሉበት መሣሪያ ሣይሆን የገዥውን የፖለቲካ ድርጅት የጭቆና ዜማ እንዲያቀነቅኑ በመመሪያ የተጠፈሩበት የአፈና አገዛዝ ሥልት ነው።